The Light of Salah Jahin, 2

إنشد يا قلبي غنوتك للجمــــــــــــــــــال
و ارقص في صدري من اليمين للشمال
ما هوش بعيد تفضل لبكره سعيــــــــــد
ده كل يوم فيه الف الف احتمـــــــــــــال
عجبي !!

أه لو أنا و محبوبي جزنا الفضي
في سفينة و حدينا... و اشيا رضا
ساعة صفا تعجبنا نرجع لها
و الهم قبل ما ييجي... يبقى مضى
عجبي!!

أهوى الهوى و همس الهوى في العيون
وبسمة المغرم ودمعه الحنـــــــــــــــون
و زلزلات الحب نهد الصبـــــــــــــــــــــا
أكون انا المحبوب أو لا أكــــــــــــــــون
عجبي !!!
أوصـيك يا إبنـى بالقمــر والزهـور
أوصـيلك بـليل القاهـرة المســحور
وإن جـيت فى بالك .. إشـترى عقـد فل
لأى سـمرا … وقبـرى إوعـك تـزور
عـجبى !!
اوقات أفوق و يحل عني غبــــــــــايا
واشعر كأني فهمت كل الخبايـــــــــــا
و افتح شفايفي علشــــــان اقول الدرر
ما أقولش غير حبة غزل في الصبايــــا
عجبي !!!

إيديا في جيوبي وقلبي طــــــــرب
سارح في غربة بس مش مغترب
و حدي لكين ونسان و ماشي كده
وبابتعد ما اعرف .. أو باقـــــترب
عجبي !!

إيش تطلبي يا نفس فوق كل ده
حظك بيضحك و انتي متنكده
ردت قالت لي النفس : قول للبشر
ما يبصوليش بعيون حزينة كده
عجبي !!

إيه اللي خدته من مرور السنــــــين
يا قلبي الا دمعتك و النيــــــــــــــين
بتئن و ترجع و بتفرح و ترجع تحــن
مع إن مش كل البشـــــــــــر فرحانين
عجبي !!!

Comments

Popular posts from this blog

The Legend of Osiris, Moral of the Legend

Who Voted for Shafiq?

Egypt Uprising 2013: One Last Push